Heit mache mir emohl e Feschd

Heit hann mir Zeit – heit lade mir die Leid zu Käs und Wein beim gemietliche Beisammensein.
Ei, ich denke so fir um acht, weil do hann mir unser Awett gemacht!
Mir misse nur noch iwwerlehe – uff was die Leid dann aach so stehe?
Mideme gudde Wein macht mach nix verkehrt. Das hat de Vadder uns geleert.
Mit Französischem Baguette doo macht ma jo aach nix falsch.
Das grien die Leid nit in de falsche Hals.
Jedoch beim Käs, do gets dann los. Was nemme ma, was mache ma bloß?
Holle ma Harzer Käse, Limburger, Romadur – manche esse die, annere bleiwe stur.
Bei Cheddar, Morzzarella, Feta – die Ähne mesches, unn die Annere, wennses wisse, komme oft später.
Beaumont, Boursin unn Gorgonzola – doo mit gets uns aach nicht wohler.
Mir hann iwwerleht, mol hin, mol her – die rischdisch Auswahl iss jo doch schwer.
Jetzt glaw ich hammas awwer – mir nemme ebbes was jeder kennt.
Mir holle Emmentaler, Allgäuer, Camembert unn Butterkäse – doo kanschde mit guddem Gewisse sahn - ei jo ich wäs.

Lassens Eich schmecke!

© Heike Altpeter